لا حول ولا قوة إلا بالله الفنانة سماح أنور
اتفاجئت باختفاء أعمالي.. أبرز تصريحات سماح أنور في “فضفضت اوي” حلت الفنانة سماح أنور ضيفة عبر برنامج “فضفضت أوى”، الذى يقدمه المخرج معتز التونى، على منصة “Watch it” الرقمية. وقالت سماح أنور خلال الحلقة: “أنا دخلت كلية الآداب قسم فرنساوي حضرت لحد سنة 3 لأني من أولى جامعة كنت بشتغل ابتديت شغل في ثانوية عامة، أول حاجة خالص كان في مسرح التليفزيون وكانوا بيعملوا مسرحيات للتليفزيون أبويا كان بيألف وينتج المسرحيات دي”.
وتابعت سماح انور: “أبويا كان بيعمل رواية وكانت روايات التليفزيون دي بتتعمل بروفات وبعدين يصوروا، بعد ما عملوا البروفات النهائية البطلة كان عندها تصوير في استديو مصر ووقعت ورجلها اتكسرت وبلغوا أبويا أن مفيش تصوير عشان مش هينفع تمثل، كان الله يرحمه أستاذ عبدالمنعم مدبولي المخرج وبطل في المسرحية مع أستاذ وحيد سيف، أستاذ عبدالنعم مدبولي وأستاذ وحيد سيف زعلوا أوي لأن الكاميرات في المسرح وخلاص كانوا هيصوروا”.
وأضافت سماح انور :”وكان فلوس التصوير هتتقىبض تاني يوم، أنا كنت أيامها كان أتوبيس المدرسة بينزلني عند المسرح عشان كان والدي وولدتي بيشتغلوا لحد بالليل فكنت بروح أحضر البروفات، وكنت حافظة الرواية لأني بروح كتير وكنت بتفرج بتركيز مش عشان بنت المنتج، أستاذ عبدالمنعم مدبولي قال لبابا طيب ما سماح حافظة الدور”.
واختتمت سماح انور: ” كان عندي 15 سنة وكنت قاعدة في الأوضة مستنياهم وبحلم أنهم هيندهولي وبعمل الرواية والناس بتسقف لي، ولقيت ماما داخلة عليا وبتقولي بابا عايزك، طلعت ليهم سألني أستاذ عبدالمنعم مدبولي أنتي حافظة الرواية كان فيها مونولوجات كتير لأنه كان كاتبها لفؤاد المهندس وشويكار ومتعملتش عشان اتطـ,ـلقوا، قلتلهم أني حافظة وفعلا قلت فاقتنعوا بيا وكنا بننقذ الموضوع مفيش حاجة في دماغهم غير كده، أنا مكنتش عظيمة طبعا بس هما حسوا أن في حاجة فيا مش مجرد بنت المنتج”.
سماح أنور تفاجئ جمهورها بسر عن أعماله الفنية
فاجأت الفنانة سماح أنور جمهورها بتصريح صاذم خلال لقائها ، حيث كشفت عن اختـ,ـفاء جميع أعمالها من الإنترنت والمنصات الرقمية دون سابق إنـ,ـذار.
وتحدثت الفنانة سماح بتأثر :”كل شغلي اختفى كأني مكنتش موجودة! ولا فيلم ولا مسلسل.. كله اتمسح! بس هنمشيها صدفة.”
وأضافت سماح أنور:”من بدايتي كنت حابة أعمل حاجة مختلفة، البنت في السينما كانت دايمًا شكل واحد.. جميلة وشيك، وأنا كنت شايفة إن البنات ليهم أشكال تانية ومشاكل تانية. وكنت مصممة أقدم الأكشن رغم إن محدش كان مقتنع بيا في الدور ده.”
